Од 13 до 16 јуни, Охрид ќе биде центарот на младинскиот фудбал во регионот! На спортскиот комплекс СРЦ „Билјанини Извори“ ќе се одржи Меѓународниот фудбалски турнир „Некст Левел“, кој годинава ветува спектакл каков што досега не сме виделе.
Овогодинешното издание на турнирот, што веќе го носи епитетот едно од најдобрите фудбалски натпреварувања за млади во Македонија, ќе биде најмасовно и најатрактивно досега. Потврда за тоа се над 40 пријавени екипи, меѓу кои и врвни тимови од Србија, Турција и Романија: Раднички Ниш, Синѓелиќ од Ниш, Нуртепе од Истанбул, АФ Гирода и други.
Турнирот е наменет за генерации родени од 2012 до 2017 година. Натпреварите ќе се играат во следниве формати:
Генерација 2012 (У-13) и 2013 (У-12) – формат 8+1
Генерација 2014 (У-11) и 2015 (У-10) – формат 7+1
Генерација 2016 (У-9) и 2017 (У-8) – формат 6+1
Пријавувањето е сè уште отворено, а интересот расте од ден во ден. „Некст Левел“ се наметнува како водечки младински фудбалски турнир во земјава, а организацијата годинава е подигната на повисоко ниво – со бројни новитети и активности кои ќе бидат објавени наскоро.
Спортска Мрежа, како медиумски покровител од самиот почеток, ќе го следи турнирот со ексклузивни прилози, репортажи и интервјуа.
Останете со нас – следуваат многу возбудувања од „Некст Левел“!
