Вардар Неготино ја „тресна“ Брегалница на „Цвај арената“ со минимални 1:0 и со тоа „сините“ од Штип сега ќе имаат тешка мисија за експресно враќање во Прва лига.
Но, по завршувањето на мечот гостите од Штип ги искршиле тушевите во гостинската соблекувална, реагираше ФК Вардар Неготино преку соопштение за што тимот додава дека гостинот не знае да прифати пораз.
„Срамота! Играчите на ФК Брегалница не знаат да прифатат пораз, па ги искршија тушевите во гостинската соблекувалн. Каков вандализам! Како клуб кој играл во Прва лига, бедно е“, се вели во соопштението на ФК Вардар Неготино.
- ВИДЕО ОД ГОСТИНСКАТА СОБЛЕКУВАЛНА:
Брегалница со овој пораз останува на 4. место на табелата со 48 бодови и сега има сериозна борба за Прва лига, пред се бидејќи Арсими кој е трет има 51 бод, а пак Башкими и Македонија ЃП го делат првото место со по 53 бодови. Вардар Неготино е на 11-тото место со 27 бодови и тимот веќе има речиси сигурен директен опстанок.
