Кеги Моби со важна победа во битката за опстанок, Проект слави голема победа во Крива Паланка!

Екипата на Кеги Моби забележа голема победа во битката за опстанок во Првата футсал лига на Македонија, откако тимот од Велес триумфираше против Црна Река од Кавадарци со резултат од 8:4.

Ова беше дерби од дното за опстанок каде велешкиот тим беше подобар и забележа многу важна победа. Марио Атанасовски постигна хет-трик, два гола даде Трајче Трајков, а по еден гол постигнаа Ангел Гаштев, Христијан Ристовски и Иван Николовски.

За гостинот од Кавадарци двапати стрелаше Петар Ристовски, а по еднаш погодија Ѓорѓи Стрезовски и Тони Гацев.

Јувентус Серава преку Мамуд, Бајрам и Алијевиќ со 3:1 го доби тимот на Бутел, каде за гостинската екипа единствен стрелец беше Кајсторовски.

Шампионот Форца преку трите гола на Берат Рамадани триумфираше над Клими од Кавадарци со 5:3. Двоен стрелец за шампионот беше искусниот Зоран Левески, додека пак за гостинот Мартин Никовиќ погоди двапати, а еднаш Петар Левков.

Шкупи со 4:6 триумфираше над Железарец со што овој тим веќе е нов второлигаш. За домаќинот кој испадна од Прва лига по два гола постигнаа Роберт Илиевски и Дарко Цветковски, а пак за гостинот по два гола постигнаа Зекир Зејнели и Сали Салиевски, а еден гол постигна Убејд Бериша, додека пак Мартин Стојановски си постигна автогол.

Проект слави голема победа од 6:11 во Крива Паланка над Осогово. За домаќинот Кристијан Станојковски и Михаил Павловски беа двојни стрелец, а еден гол постигна Мартин Ристовски.

За гостинот Наум Блажески постигна хет-трик, по два гола постигнаа Ѓорѓи Коцевски и Тодор Андонов, а пак по еден гол во големата победа постигнаа Никола Анчевски, Горан Стојанов, Трајче Димитриев и Бојан Јанев.

• ЦЕЛА ТАБЕЛА ОД ПРВАТА ФУТСАЛ ЛИГА: