Теренот на ФК Башкими од Куманово, кој настапува во Втората македонска фудбалска лига, е вистински пример за квалитет и професионалност.
Во моментов, теренот е во перфектна состојба – рамно, уредено и со густа зелена трева која изгледа како тепих. Овие услови не само што овозможуваат квалитетна и брза игра, туку и тоа што треба да биде пример како треба да изгледа еден терен.
Ова треба да биде пример кој треба да го следат многу екипи за тоа како треба да изгледа еден терен пред се на терените на градските стадиони.
Башкими е на второто место на табелата со 50 бодови на своето конто и сака директен влез во Првата македонска фудбалска лига, а теренот кој е во одлична кондиција е одлика за клуб кој има високи амбиции и кои води грижа и за самиот терен со цел да има повеќе од идеални услови за игра.
Ова е пример како треба да изгледа теренот на еден стадион, со оглед дека многу од терените низ Македонија се во катастрофална состојба и изгледаат како да се во некое африканско село.
Башкими ја продолжува борбата на последните седум кола до крајот од Втората лига за директен влез во Првата лига, а во следното коло екипата предводена од Баже Јанакиевски ќе гостува во Македонска Каменица кај Каменица Саса, во рамки на 24. коло на Втората македонска фудбалска лига.
