Денес, во 18 часот во салата ,, Билјанини Извори ’’ ќе се комплетира второто коло од плеј- оф фазата во ракометната Супер лига.
Имено, по тешката победа во Кавадарци, Еурофарм Пелистер му гостува на РК Охрид. Охриѓани и во регуларниот дел покажаа дека имаат сила и квалитет да играат против секого, особено во одлична атмосфера и навивачка поддршка на домашен терен, па така се очекува дека овој натпревар ќе биде интересен и возбудлив- вистинско дерби за уживање.
Како и досега, салата ќе биде исполнета до последното место, и се надеваме дека публиката ќе ужива во еден вистински ракометен празник во градот.
Натпреварот ќе го судат браќата Методија и Михајло Илиевски од Битола.
