Втората футсал лига овој викенд може да добие нов лидер, откако Мал Ајакс нанижа три порази во низа, претходно загуби од конкурентите Кораб и Балкан, а синоќа во Големо Речица загуби од СЕЕ Университи со 8:2, со што тимот од Штип „виси“ и веќе овој викенд може да заврши на второто, но и на третото место, во зависност како ќе одиграа Балкан против Партизан Југ од Брвеница и Овче Поле на домашен терен против Кораб.
Резултатот во Тетово беше отворен по само две минути игра откако Гезим Азизи погоди за 1:0, а веќе во седмата минута Иса Дурмишов постигна гол за 1:1. Но, тетовскиот тим преку Хисен Мемди постигна гол за 2:1 на полувреме.
Во вториот дел доминантно издание на домаќинот кој преку нови два гола на Мемеди, трите гола на Самир Рамадани и голот на Едис Муртезани ја наполни мрежата на гостинот од Штип, а пак Амин Шаќири си постигна автогол со што конечниот резултат беше 8:2.
Виси првото место на Мал Ајакс, доколку Балкан триумфира против Партизан Југ, во меч каде е фаворит, Балкан ќе избие на врвот, а и доколку Овче Поле забележи триумф во дербито на колото против Кораб во тој случај Овче Поле и Балкан ќе го делат врвот со по 40 бодови, а Мал Ајакс ќе се спушти на третото место со 39 бодови или ќе биде надвор од зоната или местата кои директно водат кон Прва лига.
Во такви околности пред Мал Ајакс ќе биде исклучително тежок период каде ќе мораат покрај победи да се надеваат на киксови и на противниците ако сакаат влез во Првата футсал лига.
Денес е денот „Д“ за врвот во Втората футсал лига. Овче Поле ќе игра против Кораб во Свети Николе, а пак Балкан против Партизан Југ од Брвеница.
Утре, Каршиака на домашен терен ќе игра против Победа од Прилеп, додека пак Карадаку ќе се соочи со Кратово.
