Познати се судиите кои ќе ја делат правдата на трите одложени натпревари со кои ќе се комплетира 10. коло на Втората женска фудбалска лига.
Во Радовиш екипата на Плачковица ќе игра против лидерот и фаворит Кочани, мечот ќе започне во 12 часот, а правдата ќе ја дели Виолета Јанчева од Гевгелија.
Во Велес ќе се соочат Борец и големиот фаворит Билјанини Извори, натпреварот ќе започне во 12 часот, а главен судија на мечот ќе биде Александра Спасова од Свети Николе.
Во 12:30 часот во Македонски Брод ќе започне натпреварот меѓу Порече и Победа Валандово, а главен судија на мечот ќе биде Јована Максимовска од Скопје.
Претходно, колото беше отворено на 15 март со мечот меѓу дебитантот Слободен и Вардар, каде вардарски со 0:8 беа пресилни.
