Амбициозниот клуб покрај Охридското Езеро, денес го потпиша договорот со тренерот- Борис Ројевиќ. Веќе е познато дека тој ќе го води тимот од следната сезона, откако потпиша договор со Охрид до 2028 година. Тој со себе носи и кондиционен тренер- Андрија Њаради, кој е син на легендарниот тренер Ненад Њаради.
Српскиот ракометен стратег ќе биде на чело на клубот во наредните три сезони, а претходно работеше во РК Војводина од Нови Сад, Србија, каде остави голема трага, освојувајќи голем број домашни и меѓународни трофеи.
Исто така, тимот на Охрид ќе биде засилен и со доаѓањата на Предраг Вејин, Тилен Стрмљан и Николаос Лиапис. Ројевиќ нагласи дека се очекува да пристигнат уште лев бек и голман, а потоа, доколку има потреба, тимот дополнително ќе се засили и во јануари.
