Деветтото коло од плеј-офот на женската ракометна Суперлига донесе убедлива победа за Металург Автокоманда со 33:24 над Чаир. Најдобрата ракометарка на теренот беше Марија Гугуљанова, која постигна осум гола, следена од Борјана Коцева со седум реализации. Во редовите на чаирчанки, Теодора Гулицоска се истакна со дури 12 постигнати гола.
Шампионот Ѓорче Петров се намачи против Куманово и мечот го доби со 27:29 со што продолжува победничката низа на „лавиците“.
Астибо немаше сили за Вардар и загуби со превисоки 43:21. Сара Богојеска го водеше Вардар со седум гола, а пак Нина Милевска имаше шест. Кај Астибо се истакна Елена Вучевска со десет гола, а не играше најдобриот стрелец во лигата, Марија Анчева.
Во плеј-аутот Деспина со тесни 29:28 ја доби Стружанка, Спартак беше подобар од Пелистер со 27:26, Ѓорче Петров 2 го доби Шампион со 33:23.
