Вчера во просториите на Ракометната федерација на Македонија беа извлечените паровите за елиминационото коло од ракометниот Купот на Македонија.
Во првата фаза од Купот ќе се соочат прволигашите Аеродром и Македонија ЃП, ланскиот суперлигаш Мулти Есенс како голем фаворит ќе игра против Преспа Вардар од Ресен, суперлигашот Прилеп како апсолутен фаворит оди кај прволигашот Текстилец.
Бутел ќе биде голем фаворит против Металург РА, суперлигашот Радовиш како фаворит ќе игра со Скопје, Пролет ќе биде без проблеми против прволигашот Кичево во меч каде разликата во квалитет е огромна.
Овче Поле ќе се соочи со суперлигашот Борец Ф.Л., Охрид во улогата на апсолутен фаворит ќе игра против Шампион, Тиквеш како голем фаворит ќе игра со прволигашот Јехона.
И суперлигашот Куманово нема да има проблем против прволигашот Астраион, интересен и возбудлив меч ќе има меѓу Младост од Богданци против Струга. Екипата на Младост се бори да го обезбеди баражот за влез во Суперлигата, а пак Струга ќе води борба за опстанок во Суперлигата.
Вардар Неготино ќе се соочи со Партизан, а пак Еурофарм Пелистер 2 како голем фаворит ќе игра против Драчево.
Натпреварите од елиминационото коло на ракометниот Куп на Македонија ќе бидат на програмата овој викенд односно на 29 и 30 март.
