Познати се судиите кои ќе ја делат правдата на натпреварите од 18. коло, кое е последно од регуларниот дел на ракометната Суперлига, по што ќе започнат натпревари од плеј-офот и плеј-аутот, откако прво викендот ќе се одиграат Куп натпревари.
Колото се отвара во вторник со четири натпревари, а ќе се комплетира в среда со два натпревари.
Мирко Трајковски и Александар Вукашиновски од Скопје, ќе ја делат правдата на натпреварот меѓу Вардар и Струга, кој ќе започне во 17 часот, а пак делегат ќе биде Камер Металари од Скопје.
Во 17 часот, исто така, ќе започне и мечот меѓу Тиквеш и Борец Ф.Л., а судиска двојка ќе бидат Ѓорѓи Начевски и Славе Николов, од Скопје, а делегат на мечот ќе биде Ацо Николовски од Скопје.
Во 18 часот ќе започне дуелот меѓу Бутел и Прилеп, а судиска двојка ќе бидат битолчаните Методија Илиевски и Михајлов Илиевски, а пак Марјан Начевски од Скопје ќе биде делегат на мечот.
Во 19:30 часот ќе се одигра натпреварот меѓу Прилеп и големиот фаворит шампионот Еурофарм Пелистер. Сашо Кркачев и Ѓоко Колевски од Скопје ќе бидат задолжени да ја делат правдата на мечот, а пак Лери Мирчески од Скопје ќе биде делегат на мечот.
Во среда во 18:00 часот во СРЦ „25 Мај“ ќе играат Радовиш и Куманово, каде за правдата ќе бидат задолжени Димитар Митревски и Благојче Тодоровски од Битола, а пак Васил Чавдаров од Богданци ќе биде контролор на мечот.
Дербито на колото се игра во Автокоманда меѓу Алкалоид и Охрид, а истото ќе започне во 19:00 часот. Ненад Николоски и Исмаил Металари од Скопје ќе бидат задолжение да ја делат правдата како судиска двојка, а пак делегати на мечот ќе бидат Драган Начевски и Душко Камишевски.
