Локомотива Загреб забележа втора победа во низа во хрватскиот шампионат откако со 34:14 го декласираше тимот на Дуго Село.
Локомотива Загреб каде што настапува македонската репрезентативка Андреа Седлоска доминираше на теренот и без никакви проблеми стигна до 15-тата сезонска победа.
Седлоска на натпреварот од два обиди постигна два гола, со што сега нејзиниот тим има 31 бод и се наоѓа на второто место на табелата зад Подравка која е на врвот со 34 бодови.
Во следното коло Локомотива Загреб ќе гостува кај Осијек, а екипата на Андреа Седлоска ќе бидат фаворит за шеснаесетто сезонско славје.
