Новите странски засилување на ракометниот клуб Радовиш пристигнаа и веќе тренираат со новата екипа во СРЦ „25 Мај“, Како што веќе информираше Спортска Мрежа, радовишани се засилија со левиот бек Игор Кисељов од Молдавија и пивотот Густаво Паива од Бразил.
Радовиш има комплетно нов лик во пролетниот дел и влегува значително засилен за плеј-аутот и веќе има тим не само да го избегне последното место на табелата кое директно води кон испаѓање во Прва лига, а и не само да го избегне и претпоследното место или баражот за опстанок во Суперлигата, туку и да се пробие во горниот дел на табелата од плеј-аутот.
Претходно, како што информираше Спортска Мрежа, Радовиш се засили со искусните Ивица Илиев и голманот Славјан Паунов, тука е и Лазар Адамовиќ, Бразилецот Александер Антонио Сантош, потоа Стефан Кочаров, Петар Цветковски, како и Томче Трајчевски.
На тренерското столче седна Игор Котевски, а пак Спасе Ѓоргиев и Александар Долдуров се во стручниот штаб, двајцата млади тренери лани направија огромен успех, откако преку бараж го вратија Радовиш во Суперлигата, совладувајќи го тогашниот суперлигаш Еурофарм Пелистер 2 од Битола, во моменти кога малкумина веруваа дека Радовиш може да го направи тоа ракометно чудо, но и тоа се случи.
Котевски пред него има една цел, а тоа е директен и сигурен опстанок во Суперлигата, со што Радовиш и следната сезона би бил дел од Суперлигата.
Колку за потсетување последната екипа во плеј-аутот на Суперлигата испаѓање директно во Првата лига, додека пак претпоследната екипа ќе игра бараж за можен опстанок во второпласираната екипа од плеј-офот на Првата лига.
