Ракометниот клуб Охрид носи две големи засилувања за новата сезона во Суперлигата. Целите и плановите на клубот се големи и долгорочни и затоа се гради тим кој ќе биде конкуретен за титула и за Европа, но не само излегување во Европа туку и големи резултати.
Се работи за Предраг Вејин како што објави српскиот медиум „Моцарт Спорт“ и Тилен Стрмљан, за кој објави „Балкан Хендбол“ – искусни ракометари со кои значително се подига квалитетот во тимот на Охрид.
32-годишниот Вејин во минатото беше дел од македонскиот шампионат кога го носеше дресот на Металург во 2017 година, а Србинот има настапувано и за екипите на Адемар Леон, Данкерк, Висла, Нексе, а во Охрид ќе пристигна од редовите на Олимпијакос од Грција.
Словенецот Стрмљан во Охрид ќе пристигна од редовите на бундеслигашот Хановер.
Охрид во новата сезона ќе има и нов тренер се работи за искусниот стратег Борис Ројевиќ, кој веќе го екипита тимот за новата сезона.
29-годишниот Стрмљан е повремен репрезентативец на Словенија, има настапувано за Целје Пивоварна Лашко, Рибница, Херц Шмартно и Рудар Трбовље.
Тимот и натаму ќе го крои Ројевиќ со ангажман на нови квалитетни играчи, а Охрид ќе има големи амбиции, а со тоа Суперлигата ќе добие значително на квалитет и секако уште поголема конкуренција за титулата.
