Пролетната полусезона ќе понуди голема неизвесност кога се во прашања местата кои директно водат кон Првата лига, но ќе биде неизвесно каде веќе се разгорува битката за опстанок во Втора лига.
Ранетите „лавови“ забележаа триумф откако по двата порази во низа го совладаа убедливо Новаци со 4:0, па така Македонија ЃП е на врвот од табелата со 44 бодови, Башкими и натаму е на второто место со два помалку или 42 бодови, а пак Брегалница е трета со 40 бодови и се наоѓа во бараж зоната. Арсими и натаму е во трка за местата за Прва лига со тоа што тимот од Чегране на своето конто има 36 бодови и го очекува голема борба на терен за бодови.
На петтото место веќе имаме израмнување меѓу Каменица Саса и Охрид со по 31 бод, на делба на седмото место се Детонит Плачковица и Скопје со по 29 бодови, а веќе во сабота овие две екипи одат во директен дуел на „Железарница“ во Автокоманда, Кожуф е на деветтото место со 27 бодови.
Веднаш доаѓа тој пресек на табелата каде на десеттото место е Беласица со 22 бодови, Победа е место подолу со 21 бод, Новаци и Вардар Неготино имаат по 20 бодови за делба на 12-тото место.
Во бараж зоната е тимот на Осогово од Кочани со 13 бодови, во зоната за директно испаѓање е Борец со 10 бодови, како и Вардарски кој е „закован“ на дното со пет бодови.
- ЦЕЛА ТАБЕЛА ОД ВТОРАТА ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК МАКЕДОНИЈА Ѓ.П 1932 АД | 19 | 14 | 2 | 3 | 37 | 8 | +29 | 44 |
| 2 | АД ФК Башкими 1947 Куманово | 19 | 13 | 3 | 3 | 30 | 15 | +15 | 42 |
| 3 | ФК БРЕГАЛНИЦА 2008 АД | 19 | 12 | 4 | 3 | 28 | 16 | +12 | 40 |
| 4 | ФК АРЕСИМИ-1973 | 19 | 11 | 3 | 5 | 31 | 18 | +13 | 36 |
| 5 | ФК КАМЕНИЦА САСА | 19 | 9 | 4 | 6 | 34 | 24 | +10 | 31 |
| 6 | ГФК ОХРИД ЛИХНИДОС | 19 | 9 | 4 | 6 | 25 | 20 | +5 | 31 |
| 7 | ФК ДЕТОНИТ ПЛАЧКОВИЦА | 19 | 7 | 8 | 4 | 25 | 17 | +8 | 29 |
| 8 | ФК СКОПЈЕ АД | 19 | 7 | 8 | 4 | 22 | 15 | +7 | 29 |
| 9 | ФК КОЖУФ ГЕВГЕЛИЈА | 19 | 6 | 9 | 4 | 19 | 15 | +4 | 27 |
| 10 | ФК БЕЛАСИЦА АД | 19 | 5 | 7 | 7 | 21 | 23 | -2 | 22 |
| 11 | ФК ПОБЕДА АД | 19 | 6 | 3 | 10 | 23 | 28 | -5 | 21 |
| 12 | ЗФК НОВАЦИ 2005 | 19 | 5 | 5 | 9 | 19 | 23 | -4 | 20 |
| 13 | ГФК ВАРДАР Неготино | 19 | 6 | 2 | 11 | 24 | 34 | -10 | 20 |
| 14 | ГФК ОСОГОВО | 19 | 3 | 4 | 12 | 15 | 35 | -20 | 13 |
| 15 | ФК БОРЕЦ 1919 АД | 19 | 2 | 4 | 13 | 11 | 33 | -22 | 10 |
| 16 | ФК ВАРДАРСКИ | 19 | 1 | 2 | 16 | 13 | 53 | -40 | 5 |
