Овој викенд се одиграа натпреварите од 5. коло на втората фаза во Првата лига на Македонија за машки одбојкари.
Одбојкарите на Штип УГД забележаа уште една убедлива победа, поради доминантната игра со резултат 0:3 во сетови против Шкендија во Тетово. Во првиот сет, Штип УГД беше подобар со високи 15:25, во вториот со 17:25, а во третиот сет одбојкарите беа доминантни и го добија со убедливи 10:25.
Весна Пробиштип со сигурна игра славеше дома со 3:0 против Јанта Волеј. Во првиот сет, домаќинот беше подобар со 25:17, во вториот со 25:19, а во третиот сет, иако Јанта Волеј даде голем отпор, тимот од Пробиштип ја завери победата со 25:23.
Шампионот Струмица со леснотија го совлада Универзитет Тетово со 0:3 во сетови. Првиот сет заврши со 14:25 за Струмица, вториот со 14:25, а во третиот сет струмичани беа убедливи со 11:25.
Сушево го декласираше Вардар со 3:0, а сетовите ги доби со 25:16, 25:20 и 25:9.
Борец на домашен терен беше подобар од Работнички со 3:1. Гостите го добија првиот сет со 22:25, но Борец ја врати предноста во вториот сет со 27:25, а во третиот сет беше вистински спектакл – Борец го доби со фантастични 35:33. Четвртиот сет заврши со 25:16 за велешани.
Скопје на домашен терен загуби од Лирија со 1:3 во сетови. Првиот сет заврши со 25:22 за Скопје, но потоа Лирија го освои вториот сет со 18:25 и ги доби третиот и четвртиот со 16:25.
