Прилепска Победа забележа триумф и тоа многу важен против Борец, а на крајот од сезоната може да биде толку важен што ќе значи директен опстанок во Втора лига, а пред Борец е речиси тешка мисија за директен опстанок, па се ќе биде насочено кон баражот за опстанок.
Голманот на Победа, Иван Николоски за Спортска Мрежа вели дека атмосферата во клубот, во градот, кај навивачите се подигра, додава дека ќе го дадат максимумот на секој тренинг и натпревар за Победа.
„Нормално дека на секој натпревар има притисок, некогаш притисок е помал, некогаш притисокот е поголем. Денес имавме среќа што на денешниот натпревар ние бевме порастеретени во однос на екипата на Борец. Но, на психички палн се снајдовме многу подобро заразлика од нив како што го покажа и самиот резултат. Атмосферата во клубот, во градот и кај навивачите сигурно дека се подига од ден на ден макотрпно работиме и даваме максимум и за клубот и како за нас индивидуални играчи. Борбата не е застаната ветуваме дека ќе го дадеме нашиот максимум на секоја тренинг и натпревар“, изјави Николоски за Победа.
Триумфот на Победа добива на тежина бидејќи истиот беше обезбеден со играч помалку на теренот, откако Петар Петроски беше исклучен од игра.
„Овој натпревар го добивме и на психички план бидејќи од околу 70-та минута бевме со играч помалку поради црвен картон и на 20 минути до крајот ние постигнуваме победнички гол и натпреварот го добиваме и носиме три бода во Прилеп“, додава Николоски.
Победа се врати на 12. место на табелата со 18 бодови, а пак Борец е во зоната за дикретно испаѓање со шест бодови како претпоследен.
