Кандидатот за претседател на Ракометната федерација на Македонија (РФМ), Александар Стефанов, вчера оствари работен состанок со клубовите од Југозападниот дел на Македонија, со цел запознавање на плановите, програмата за работа, размена на идеи и предлози.
На самиот состанок присутни беа и ракометни спортски работници од овој дел на Македонија. Ваквите состаноци се одлично со цел Стефанов да ја претстави својата визија, планови и цели за тоа како би се движел ракометот, како би се развивал со клубовите и ракометните спортски работници.
Стефанов, потоа го следеше и натпреварот од Лиата на шампиони меѓу Еурофарм Пелистер и Динамо Букурешт во битолската сала „Боро Чурлевски“, меч кој заврши со победа за битолчани од 25:24.
Стефанов е најсериозен кандидат за нов претседател на РФМ, а Изборното собрание на РФМ е закажано за 1. март во Скопје.
