Во изминатиот период неколку пати известувавме од Охрид за уривањето на старата трибина на стадионот „Билјанини Извори“ со што охридскиот стадион треба да добие нова модерна и современа трибина.
Старата трибина е веќе речиси целосно урната, по што потоа ќе започнат градежни активности за изградба на нова трибина, со што стадионот ќе има нова модерна трибина, а стадионот во нашиот најголем туристички центар ќе добие нов модерен и современ лик.
Новата трибина ќе има капацитет од 3.500 седишта, современи содржини како осум скај-боксови за ВИП зони, медиумски центар и други простории според меѓународни стандарди.
- КАКО ИЗГЛЕДА УРИВАЊЕТО НА СТАРАТА ТРИБИНА НА СТАДИОНОТ „БИЛЈАНИНИ ИЗВОРИ“ ВО ОХРИД:
Со изградбата на новата јужна трибина охридскиот стадион ќе добие модерен и современ изглед кој ќе има две модерни трибини, откако претходно беше направена и другата трибина. Овој спортски комплекс располога и со помошни терени, од кои едниот е со вештачка трева и трибина, како и рефлектори за ноќни тренинзи, а има и неколку терени со природна трева. Со ова стадионот „Билјанини Извори“ во Охрид ќе понуди подобри услови за тренинг и за одигрување на домашни и меѓународни натпревари.
