Познати три екипи кои обезбедија пласман во полуфиналето од одбојкарскиот Куп на Македонија во женска конкуренција, се работи за Работнички Скопје, Наковски Волеј и Јанта Волеј КВ.
Одбојкарките на Работнички Скопје со 3:0 го победија штипски Младост УГД, Наковски Волеј во три сета го елиминираше Вардар ЕМ, додека Јанта Волеј КВ со максимален резултат ја совлада екипа на Газели Волеј. Последниот патник ќе биде познат од дуелот меѓу Фит Фан Волеј и Пелистер Волеј, а мечот се игра утре.
Работнички Скопје, Наковски Волеј и Јанта Волеј КВ беа фаворити и истата фаворитска улога беше оправдата со пласман во полуфиналето.
