Третолигашот Куманово за пролетната полусезона од Третата македонска фудбалска лига – Север се засили со двајца нови играчи, се работи за Екрем Мемеди и Гезим Бакиевски.
28-годишниот Мемеди ќе го засили средниот ред и треба да биде одлично засилување и освежување во редовите на Куманово за вториот дел од сезоната. Мемеди доаѓа од редовите на второлигашот Осогово, а беше дел и од Башкими, Скопје, Вардар Форино, Гоблен Јуниор, Локомотива Бентоекспорт и младинските погони на Вардар и Милано, а имаше своја авантура и во Германија.
23-годишниот Бакиевски е нов напаѓач на Куманово, кој пристигна од редовите на БВК Коњаре, а уште играше и за Башкими Љуботен, Вардар Форино, Струга Трим Лум, Велазерими, Металург.
Куманово лани беше шампион во Трета лига – Север, но не го помина баражот за влез во Втора лига, откако загуби од второлигашот Победа и остана во Трета лига – Север, а сега тимот есенскиот дел го заврши на шесттото место со 19 бодови, а пролетниот дел го отвара против Аеродром.
