Со натпреварите од 16. коло започна пролетната полусезона во Втората лига, а во однос на листата на најдобри стрелци нема промени, барем не во горниот дел од табелата.
Симеон Христов кој го носи дресот на Македонија ЃП е на врвот на ова листа со 15 гола. 10 погодоци има Андреј Симевски од Каменица Саса, а пак Никола Талески кој замина во редовите на прволигашот Брера Струмица, во есенскиот дел во дресот на Победа постигна исто така десет гола, но ќе застане на овие десет погодоци.
Фудбалерот на Арсими, Аљбин Рамадани има девет погодоци, Дарко Гроздановски кој сега направи трансфер во прволигашот Воска Спорт ќе застане на седум погодоци, колку што постигна во дресот на Кожуф, Хусеин Демири од Башкими има седум гола, Сашо Дуков кој настапува за Кожуф има седум погодоци, а пак Шефит Шефити за Арсими постигна шест гола во есенскиот дел и замина во редовите на Беса.
