Снегот не е пречека за третолигашот Брегалница Делчево и денес да продолжи со подготовки за пролетната полусезона во Третата македонска фудбалска лига – Исток.
Фудбалерите денес тренираа на Градскиот стадион во Делчево кој беше под снежна покривка, а фудбалерите на момент имаа можност и за забава па направија и снешко.
Брегалница Делчево есенскиот дел од сезоната го заврши на 4. место на табелата во Трета лига – Исток со 14 освоени бодови и учинок од четири победи, две ремија и три порази.
Екипата се засили со пет играчи, со кој ќе го подигра квалитетот во своите редовите, се работи за Емил Рунчевски, Дени Андов, Антонио Стојчов, Ненад Нешовски и Јован Дојчинов.
Пролетната полусезона екипата на Брегалница Делчево ја отвара на домашен терен против струмичка Тиверија, а пролетниот дел започнува на 9. март со натпреварите од 10. коло.
