Денес во просториите на фудбалската федерација на Македонија судиите од ОФС Кичево осварија средба со претседателот на фудбалската федерација на Македонија Масар Омерагиќ.
Тие ја изразија својата поддршка и задоволство со неговиот професионален однос и доверба во нивната силна посветеност на Фудбалската федерација. Посебно се заблагодарија за обезбедувањето на одлични услови за работа, како и за можностите за едукација и професионален развој на судиите.
Првиот човек на ФФМ, полн со ентузијазам и желба за работа, упати кратка порака:
„Очекувам од вас да судите со праведност и непристрасност. Почитувајте ги фудбалерите, тренерите и навивачите. Само со фер однос кон сите можеме да ја зачуваме довербата во фудбалот.“
Виолета Јанчева за Спортска Мрежа
