Охридскиот прволигаш Воска Спорт за пролетната полусезона каде ќе води борба за опстанок во Првата лига доби седум нови засилувања, а клубот ќе биде предводен од албанскиот стратег Клодиан Арбри.
Воска Спорт која лани играше и историско Куп-финале против Тиквеш, но го загуби, ова сезона води тешка борба за опстанок во фудбалската елита на Македонија. Воска Спорт е на дното од табелата со 12 бодови, а веќе утре против Беса на стадионот „Билјанини Извори“ во Охрид ќе го одигра дербито од дното на табелата за опстанок.
Воска Спорт доби седум нови играчи со кои тимот ќе се обиде да го избори опстанокот, а се работи за Гаје Бабукар, Марко Зуљ и Тони Виноградац кои доаѓаат од странство, како и домашните играчи Илирид Адеми, Давид Матески, Христијан Драгарски и Дарко Грозданоски.
26-годишниот Бабукар ќе го чува голот на Воска Спорт, а тој е интернационалец од Гамбија, Зуљ е дефанзивец доаѓа од хрватскиот тим Кустошија, а пак 24-годишниот Хрват Виноградац пристигна од словенскиот тим Триглав.
29-годишниот Адеми пристигна од редовите на прволигашот Беса од Добри Дол, 18-годишниот Матески во Воска Спорт доаѓа од прволигашот Силекс, а пак 32-годишниот Драгарски пристигна од тимот на Беса од Добри Дол. Како што вчера објави Спорткса Мрежа, 25-годишниот Грозданоски доаѓа од Кожуф каде беше најдобар стрелец за второлигашот од Гевгелија.
