Младинскиот репрезентативец на Македонија, Рајан Бербери, кариерата ја продолжува во нов клуб, се работи за тимот на Чешке Будејовице од Чешка.
20-годишниот офанзиев играч за врска стави потпос на договор до 2026 година, а пристигна од редовите на Стандард Лиеж.
Овој трансфер беше реализиран преку поранешниот репрезентативец на Македонија, Јани Урдинов, како и неговиот брат Александар Урдинов, кој е поранешен играч на Дојранско Езеро.
Новото засилување на Чешке Будејовице е роден во Луксембург, но има и македонски пасош, бидејќи потекнува од Македонија, тој е дел од репрезентацијата на Македонија до 21 година, а претходно беше дел од младинските репрезентации на Луксембург. Во својата кариера има настапувано и за младинските категории на Метз од Франција.
Браќата Урдинови го реализираа и трансферот на Жак Фокам Сандеу, 23-годишен фудбалер кој има двојно државјанство на Франција и Камерун.
23-годишникот направи трансфер од екипата на КФА која е дел од Втората лига на Исланд во Робстав Велвари, екипа од Третата чешка лига.
Трансферите ги реализираа браќа Урдинови, како и менаџерот од Чешка, Орхан Думањиќ.
