Овој викенд започнува пролетниот дел во Првата ракометна лига со натпреварите од 14. коло на групата А и групата Б. Во рамки на групата А екипата на Астрион во Струмица ќе го пречека тимот на Аеродром, во израмнет дуел од дното на табелата каде и двете екипи меѓусебно ќе се борат за второто сезонско славје.
Кичево на домашен терен ќе има претешка задача против апсолутниот фаворит Еурофарм Пелистер 2, каде битолчани се главни фаворити за експресно враќање во Суперлигата, додека пак Мулти Есенс на домашен терен ќе игра против Овче Поле, а слободни ќе бидат екипи на Металург РА и Јехона.
Во рамки на групата Б ланскиот суперлигаш Вардар Неготино ќе го пречека тимот на Шампион во улога на фаворит, дербито ќе го одиграат ланскиот суперлигаш Скопје и Македонија ЃП, каде гостинскиот тим засилен ќе бара побега и ќе атакува на освојување на второто место во плеј-офот со цел преку бараж да се обиде да влезе во Суперлигата.
Драчево ќе се соочи на домашен терен против Партизан од Гевгелија, а пак Текстилец во Штип го чека фаворитот Младост од Богданци кој лесно ќе ги освои бодовите.
Слободна екипа во групата Б во рамки на првото пролетно коло е Преспа Вардар од Ресен.
