Третолигашот Аеродром за пролетниот дел на Трета лига – Север се засили со младиот талент Ангел Настевски, кој пристигна од редовите на поранешниот прволигаш Еуромилк ГЛ.
Се работи за 18-годишен играч кој важи за голем фудбалски талент, а кој е дете на Вардар. Низ својата кариера покрај за младинските категории на Вардар беше дел и од Македонија ЃП.
Сениорскиот фудбалер заигра во Еуромилк ГЛ, екипа која исто така се натпреварува во Трета лига – Север, каде Настевски бележеше одлични настапи во дресот на Еуромилк ГЛ, а левото крило постигна и три погодоци во есенскиот тим за сега веќе неговиот поранешен клуб. Настевски исто така беше дел и од репрезентацијата на Македонија до 17 години.
Аеродром добива одлично засилување во своите редови, а Настевски веќе е на радар на екипи од Втора и Прва лига, што значи дека во иднина сигурно е дека овој млад талент ќе заигра за екипа од повисок ранг на натпреварување.
