Дарио Ивановски, еден од нашите најдобри македонски маратонци, ќе го пропушти престижниот маратон во Севиља поради здравствени проблеми. Иако се подготвувал за овој важен настап, на крајот морал да донесе тешка одлука да го откаже учеството поради здравствените потешкотии со кои се соочува.
Причината за откажувањето е вирус кој буквално го истоштил во последните два-три дена и го закочил во клучниот период пред настапот, предвиден за 23 февруари.
Дарио минатата година постави нов македонски рекорд во маратон токму во Севиља, со време од 2 часа, 8 минути и 25 секунди, и го подобри својот досегашен рекорд за над 3 минути.
Виолета Јанчева за Спортска Мрежа
