Денес на програмата се натпреварите од кошаркарскиот Куп „Благоја Георгиевски – Буштур“ во женска конкуренција.
Екипата на Крива Паланка од позиција на непоразен тим во досегашниот дел од првенството, денес против Вардар ги брани клупските бои на полуфиналната завршница.
Одлична тимска атмосфера и енергија владее во составот од Крива Паланка што атакува на првиот клупски трофеј за клубот што годинава одбележува 18 години постоење.
Тренерот на Крива Паланка, Виктор Петровски, рече дека во Купот нема фаворити, секој може да победи секого.
“Купот е собир на најдобрите и фаворитска улога нема ниту еден тим. Ние сме насочени на денешнито меч, на Вардар и ќе дадеме максимум за добар исход. Екипата е подготвена, тимската хемија е одлична, што е елемент плус и додадена вредност на наттпреварот кој со сигурност ќе понуди одличен натпревар за љубителите н а кошарката”, рече Петровски.
Се очекува натпреварот да донесе одлична игра, особено што овој дуел е финале-пред финалето, а Крива Паланка има засилен тим со Валиција Демерит, репрезентативка на Бахами, повратникот и поранешен капитен на тимот – Тамара Ѓоргиевска и поранешната репрезентативка на Макеоднија, Симона Деловска.
Крива Паланка има високи амбиции од самиот старт на сезоната, со извонредниот двоец од редовите на клубската школа, докажани репрезентативки од младинските и сениорската македонска репрезентација, Михаела Алексовска и Божица Стоевска, кои заедно со американскиот двоец Робинсон и Меклхејни и Александар Петрушевска на центарската позиција, му обезбедија епитет „непоразени“ на овој состав што очигледно ќе запише „златна“ сезона во историјата на клубот.
На прес-конференцијата пред почетокот на Купот, капитенот Алексовска истакна дека Купот носи посебна тежина.
“Знаеме дека Купот носи посебна тежина зашто секој натпревар е финале, но нашата цел е една – обединети, да дадеме се од себе и да не се помириме со ништо, освен успех, порача Алексовска.
Натпреварот КК Крива Паланка – КК Вардар се игра денес со почеток во 13 часот, во Гевгелија, а дуелот ќе се емитува и на МРТ 3.
