Второлигашот Беласица за вториот дел од сезоната добива две екстра квалитетни засилувања, Спортска Мрежа прва ексклузивно објавува, младиот и талентиран Живко Крстев и искусниот Бојан Најденов, се новите засилување на струмичката фудбалска гордост.
Тимот предводен од искусниот стратег Александар Стојанов во финишот од преодниот рок добива две големи засилувања, Беласица одново прави одличен тим спој на младост и искуство.
19-годишниот Живко Крстев е одличен фудбалски талент, тој потекнува од младинските погони на Брера Струмица, каде во младинската Суперлига беше еден од клучните алки во играта на струмичани, а есенскиот дел од актуелната сезона го помина во редовите на второлигашот Вардар Неготино, постигнувајќи три погодоци за тимот од Неготино и беше еден од клучните играчи.
Најденов пристигна од редовите на Кожуф, 33-годишниот играч носи големо искуство во Беласица, низ својата кариера во македонскиот шампион настапуваше за Хоризонт Турново, Работнички, Брера Струмица, Вардар, а пак во странство играчот од среден ред има настапувано и за екипите на Смуга, Естегал, Лачи, Навбахор, Искра и Локомотив Ташкент.
Беласица пролетниот дел од сезоната во Втората лига го отвара на домашен терен, во сабота на „Благој Истатов“ ќе го пречека Арсими.
