Второлигашот Билјанини Извори се засили со уште две фудбалерки, се работи за Марија Бојкова и Викторија Стојаноска, кои во пакет доаѓаат од радовишка Плачковица.
21-годишната Стојаноска кариерат ја започна во Габер од Кавадарци, а потоа настапуваше за Тиверија, Атлетико, Кочани, Шкендија од Тетово и во два наврати за Плачковица.
Од друга страна 24-годишната Бојкова, исто така кариерата ја има започнато во кавадаречки Габер, а беше дел и од Атлетико, Кочани, Шкендија од Тетово и Плачковица, исто така во два наврати.
Претходно, како што објави Спортска Мрежа, Билјанини Извори се засили со Драгана Гегова, а според нашите информации клубот ќе има уште неколку нови фудбалерки. Целта е освојување на второто место во Втората женска фудбалска лига кое води кон баражот за можен пласман во Првата лига.
