Четвртолигашот Лисолај кој се натпреварува во Општинската фудбалска лига во Битола за пролетната полусезона ги претстави Алмир Бајрами и Кристиан Симиќ.
Бајрами доаѓа од екипата на Кравари каде настапуваше изминатите пет сезони, а потекнува од школата на Пелистер. Симиќ, пак доаѓа од од редовите на Јени Маале и ќе биде големо освежување и засилување за Лисолај. 31-годишникот има настапувано и за Стрела, Црна Река, Бурсник и Поешево, а во Лисолај е повратник.
Како што дознава Спортска Мрежа, клубот води преговори за уште двајца искусни играчи кои би требало да го засилат Лисолај во финишот на преодник рок. Веќе во недела екипата на Лисолај ќе го одигра првиот пријателски меч во рамки на зимските подготовки против екипата на Крошу која е моментално лидер на табелата во Општинската фудбалска лига во Битола.
Лисолај со овие играчи добива на квалитет и ќе се обиде да избори место во Трета лига – Југозапад за следната сезона.
