Прволигашот Воска Спорт и второлигашот Арсими одиграа пријателски меч во рамки на зимските подготовки за вториот дел од сезоната. Натпреварот заврши без победник, но и без погодоци, со чисти мрежи (0:0).
Воска Спорт во пролетниот дел ќе води борба за опстанок во Првата лига, додека пак Арсими ќе ги напаѓа местата за влез во Првата лига. Овој меч беше идеална шанса за проверка на формата и на двете екипи.
Охридскиот прволигаш Воска Спорт пролетниот дел го отвара против Беса на домашен терен, а пак Арсими пролетниот дел во Втората лига го отвара против Беласица во Струмица.
