Второлигашот Кожуф од Гевгелија за пролетната полусезона се засили со 21-годишниот Васко Глигоров, кој пристигна од редовите на Беласица. Струмичанецот во својата кариера има настапувано и за Брера Струмица и Каменица Саса. Тој во пролетниот дел од сезоната ќе го носи дресот на второлигашот од Гевгелија.
Кожуф викендот одигра и пријателски меч токму против Беласица, меч кој се играше на Градскито стадион во Гевгелија, а кој заврши без победник и без голови (0:0).
Пролетната полусезона во Втората лига, екипата на Кожуф која е предводена од Славчо Георгиевски – Тупан го отвара против Каменица Саса на гостински терен.
