Фудбалскиот клуб Црвена Зезда од село Сенокос, општина Долнени, со соопштение кое беше испратено до Спортска Мрежа реагира дека три години не добиваат финансиски средства од страна на општина Долнени.
- ЦЕЛОСНОТО СООПШТЕНИЕ НА ФК ЦРВЕНА ЗВЕЗДА СЕНОКОС:
„Општина Долнени три години ни нема исплатено средства кои служат како помош за натпреварување во Општинската квалитетна лига т.е. четврта лига во Општинскиот фудбалски сојуз Прилеп, иако уредно имаме доставено барање. Мислиме дека општината не игнорира и на некој начин не оштетува во натпреварувањето бидејќи немаме доволно средства“, се вели во известувањето од клубот.
Соопштението кое беше доставено до Спортска Мрежа е изготвено на 25. јануари 2025 година, со потпис и печат од клубот, кое го доби Спортска Мрежа.
Клубот минатата година стана шампион во ОФЛ Прилеп, но поради финансиски проблеми не го искористи правото да настапува во Трета лига – Југ и со тоа остана дел од Општинската фудбалска лига во Прилеп или Четвртата лига по ранг на натпреварување.
