Денес беше одржано Изборното Генерално Собрание на Општинскиот Фудбалски Сојуз Кочани, каде досегашниот претседател на ОФС Кочани, Александар Андов, доби нов четиригодишен мандат како претседател на ОФС Кочани.
Управниот одбор на ОФС Кочани ќе го сочинуваат Александар Андов, Оливер Јовановски, Марјан Јангеловски, Владо Андов, Ангелчо Гошев, Драган Јаневски и Гоце Димитров, а пак Надзорникот одбор Ристе Лазаров, Сашко Ангелов и Митко Бојаџиев.
За Делегати на Собранието на ФФМ се избрани Александар Андов, Оливер Јовановски и Марјан Јангеловски, а за заменици делегати избрани се Столе Тошев, Владо Андов и Сашко Ангелов.
Исто така, беше дадена поддршката за актуелниот и идниот претседател на ФФМ – Масар Омерагиќ и од ОФС Кочани.
Како што веќе информираше Спортска Мрежа, за член на Управниот одбор во ФФМ е избран радовишанецот Станко Манчевски.
