Третолигашот Слога Виница не застанува со засилувањата и претстави уште двајца играчи за пролетниот дел од сезоната, станува збор за младиот Виктор Крстевски и искусниот Петар Љамчевски.
22-гоидшниот Крстевски доаѓа од редовите на прволигашот Гостивар како позајмен играч, откако во есенскиот дел беше на позајмица во штипска Брегалница, а низ својата кариера беше дел и од Пелистер и Вардар.
33-годишниот Љамчевски има големо домашно и странско искуство, тој последно настапуваше во Австрија, а претходно беше дел од Пелистер, Вардар, Тиквеш, Силекс, Еуромилк ГЛ и Металур.
Слога Виница изгради одличен тим и дефинитивно без проблеми ќе се прошета во Трета лига – Исток, а во пролетниот дел ќе го потврди првото место и ќе се насочи на баражот преку кој Слога Виница сака враќање во Втората лига за следната натпреварувачка сезона 2025/2026.
