Екипата на Детонит Плачковица од Радовиш за пролетната полусезона од Втората македонска фудбалска лига се засили со Давид Велковски, големо засилување за радовишани, 24-годишникот доаѓа од редовите на најтрофејниот македонски фудбалски клуб Вардар тој ги покрива позициите по десната страна, десен бек и десно крило.
Велковски скоро седум години го носеше дресот на Вардар, беше еден од најзаслужните за враќањето на Вардар од Втора во Прва лига и беше еден од фудбалерките кои остана во Вардар и во најлошите денови.
Велковски кој е од Свети Николе кариерата ја започна во родниот град, а потоа заминува во Брегалница од Штип, од каде направи трансфер во Вардар во февруари 2018 години и дресот на Вардар го носеше до крајот на есенската полусезона од актуелната сезона.
За радовишани Велковски ќе биде огромно засилувања со што тимот предводен од стратегот Горан Здравков изгради односно квалитетен тим со кој ќе конкурира за висок пласман на табелата, а повеќе од јасно е дека управата на клубот размислува и за следната сезона и уште од сега го гради тимот со кој ќе атакува на местата за Прва лига.
Претходно, Детонит Плачковица се засили со повратниците Филип Димоски, Јовица Радевски и Александар Смилков, а нови играчи се и Давид Јошески, Дамјан Масевски, Филип Манасиевски, Давид Дебрешлиоски и Фили Манасиевски.
Радовишани пролетниот дел од сезоната го отвараат со гостување кај Новаци.
