Второлигашот Осогово од Кочани за пролетниот дел се засили со пет играчи, станува збор за Владимир Жоглев, Давид Ристовски, Кристијан Ристовски, Грегори Давков и Дамјан Стојковски.
26-годишниот Жоглев е доста искусен фудбалер кој има настапувано и во Првата лига, тој е повратник во Осогово, а доаѓа од второлигашот Скопје, претходно беше дел од екипата на Вардар, Тетекс, Беса, Скопје, Борец, Победа од Прилеп, Победа од Валандово и Маџари Солидарност.
20-годишниот Стојковски во Осогово доаѓа од второлигашот Вардар Неготино, претходно беше дел од Куманово, Новаци и Пелистер.
Давков во Осогово пристигна од Брегалница, а 21-годишниот фудбалер претходно беше дел од Кожуф, Каменица Саса, Беласица, Скопје, а настапуваше и за младинските категории на Вардар.
Во пакет од Слога Виница доаѓаат Давид Ристовски и Кристијан Ристовски.
Давид има 23 години, претходно беше дел од Кожуф, Кадино, Македонија ЃП и Вардар од каде и потекнува, додека пак Кристијан кој има 28 години е повратник во Осогово, беше дел од Скопје, БВК Коњаре, Кадино, Тетекс, Гостивар и Металург од каде и потекнува.
Пред Осогово е навистина еден тежок предизвик да се избори за опстанок, а шефот на стручниот штаб Крсте Крстев го очекува навистина тежок предизвик. Пролетниот дел Осогово го отвара против Вардар Неготино во гости.
