Албанскиот второлигаш Вора, кој е есенски шампион во Втората лига, се засили со Емир Скендери, кој доаѓа од редовите на македонскиот прволигаш Беса од Добри Дол.
Скендери кој има 24 години ќе биде големо засилување за тимот на Вора, кој сака да обезбеди влез во Првата албанска лига.
Скендери покрај за Беса има настапувано и за Македонија ЃП, Струга Трим Лум, Брер Струмица тогашна Академија Пандев, Тиквеш и Кожуф.
Вора е на врвот од табелата со 44 бодови, два повеќе од Фламуртари. Пролетниот дел од Втората албанска лига започнува на 19. јануари, а новиот тим на Скендери сезоната ја отвара против Лушња.
