Денес Вардар ги започна подготовките за пролетната полусезона во Првата лига, но старите проблеми продолжуваат и во новата година.
На фејсбук страницата на ФК Вардар излезе соопштение во кое се вели дека извршниот директор Миленко Неделковски, им забранил влез на официјалните лица на маркетинг тимот на клубот, во продолжение целосното соопштение кое е објавено на фејсбук страницата на ФК Вардар.
* СООПШТЕНИЕ НА ФК ВАРДАР ОБЈАВЕНО НА ФЕЈСБУК:
„Денес од страна на извршниот директор Миленко Неделковски, беше денесена одлука со која се забранува влез на официјалните лица на Маркетинг тимот на клубот, спротивно на договорот потпишан помеѓу „здружението 35 години Вардарци“ и сопственикот Атила Бижен Жалили. Поради тоа, во моментот се случува блокада на тренинг кампот, а целта на собраните е целосно почитување на одлуките произлезени од договорот, од страна на извршниот директор Миленко Неделковски“, се вели во соопштението објавено на фејсбук страницата на ФК Вардар.
Соопштение излезе и на официјална фејсбук страна на навивачката група Комити Скопје.
Сите во Хиподром – веднаш! Во знак на револт и протест, ги повикуваме веднаш сите наши членови, екипи и навивачи на клубот, да дојдат пред тренинг кампот во Хиподром. Денес им беше забранет влезот за сите официјални членови на Маркетинг тимот на клубот, како и за сите останати членови на групата! Нашиот одговор е јасен: Нема да биде дозволен влез/излез додека не се решат сите проблеми во клубот и не се испочитува договорот потпишан помеѓу Здружението „35 години Вардарци“ и Атила Бижен Жалили“, се вели во соопштението на Комити.
Вардар се наоаѓа на 11. место на табелата со 13 бодови, а пролетниот дел ги започнува против Шкендија на домашен терен.
