Охридскиот прволигаш Воска Спорт ги започна подготовките за пролетната полусезона во која клубот ќе води борба за опстанок во фудбалската елита на Македонија.
Новиот турски тренер Сафет Ислер денес го имаше првиот собир со играчите на „Грашница“ покрај Охридското Езеро, каде фудбалерите на охридскиот клуб го имаа и првиот тренинг во Новата 2025 година.
Клубот првиот дел од подготовките ќе го одработи во Охрид, а потоа главната фаза ќе се одработи во Анталија, Турција, каде ќе се одиграат и неколку пријателски натпревари преку кои ќе се бруси формата за пролетните предизвици.
Во следните денови според информациите на Спортска Мрежа во Воска Спорт ќе пристигнат неколку нови засилувања. Екипата презиминува на последното место на табелата со 12 бодови, а пролетниот дел го отвра на домашен терен против Беса, па тоа ќе биде дерби од долниот дел на табелата во борбата за опстанок и на двете екипи.
