Второлигашот Вардар Неготино за пролетната полусезона го засили стручниот штаб со Горан Стојановски, кој ќе биде нов кондиционен фитнес тренер.
„На претходниот наш помошен тренер Миланчо Мојсов му се заблагодаруваме за досегашниот вложен труд и му посакуваме се најдобро. Горан Стојановски нашиот нов кондиционен фитнес тренер кој што ќе биде во стручниот штаб заедно со Горан Тодорчев. Неготинската легенда, репрезентативна легенда и легенда на Беласица“, се вели во клупското соопштение.
Клубот во понеделник ќе ги започне подготовките за пролетниот дел, како што дознава Спортска Мрежа закажени се пет пријателски натпревари преку кои ќе се проверува формата, а се водат преговори за неколку засилувања.
Вардар Неготино заврши на 13 место со 14 бодови, шест повеќе од бараж зоната.
