Фудбалскиот клуб Големо Коњари кој настапува во Трета лига – Југ, каде е есенски шампион, го крева гласот во однос на субвенциите кои ги доделува Министерството за спорт.
Преку клупското соопштение се изразува големо незадоволство, а клубот бара и апелира до сите третилигаши од нивниот регион односно Трета лига – Југ да го кренат својот глас и да се побара вистинска резределба на финансите, како што се вели во соопштението.
„ФК Големо Коњари изразува големо незадоволство на одлуката од Министерството за спорт за доделувањето на финансиски средства за 2024 година за спортските клубови. Покрај тоа што е дискриминаторска одлука или со огромни врски со непотизам за некои политички влијаниа кој со право дава негативна порака со која ги гасне надежите и иднината на спортот на многубројните третолигаши. Го замолуваме Министерството за спорт да објасни кои критериуми ние како фудбалски клуб не ги исполнуваме, за разлика од нас исти клубови секоја година земаат огромни суми на пари, ова е страмно што се случува во Трета Лига Југ. Или ние им служиме само за бројка. Затоа ја користиме оваа неправдина и бараме АПЕЛ до сите третолигаши од нашиот регион да го крена својот глас и да се побара вистинска распределба на финансиите“, се вели во сооштението на ФК Големо Коњари.
Претходно, преку соопштение реагираа повеќе клубови од Првата и Втората македонска фудбалска лига за висината на субвенции кои ги доделува Министерството за спорт.
