Екипата на Големо Коњари е есенски шампион во Третата македонска фудбалска лига – Југ, а во пролетниот дел ќе води борба да го сочува првото место и со тоа да го обезбеди баражот за можен влез во Втората лига.
И минатата сезона овој клуб беше есенски шампион, но во пролетниот дел Борец успеа да го стигне и на крајот да стане шампион и преку баражот да се врати експресно во Втората лига, но како стојат работите велешката фудбалска гордост може експресно и да се врати во Трета лига.
Зоран Котески останува во Големо Коњари и ќе биде важна алка во тимот за пролетниот дел, а за таа цел тимот покрај ќе има неколку квалитетни засилувања. 33-годишниот Котески со неговото искуство ќе помага во целта на клубот за освојување на првото место и баражот, во минатото Котески има настапувано за Осогово, кичевски Напредок, Новаци, Питу Гули, Младост од Кривогаштани, Кадица, Обршани, прилепско Кадино и за поранешниот второлигаш Братство од Житоше.
Како што дознава Спортска Мрежа екипата на Големо Коњари сака да се засили на голманската позиција, со денфазивец и шпиц.
Тимот е во исчекување на тоа кога ќе започне пролетниот дел во Трета лига – Југ, па според тоа и да го утврди планот за подготовки, но според нашите информации тоа ќе биде 40-тина дена пред почетокот на пролетната полусезона.
Дополнително според информациите на Спортска Мрежа има интерес и за спонзор во клубот, но засега тоа е сведено на разговори, а повеќе информации ќе има во следниот период.
