Амбициозниот третолигаш Шкендија Арачиново не застанува со своите планови за напредок, па по засилувањата во играчкиот состав, клубот продолжува да се засилува и во стручниот штаб. Тимот, кој е есенски шампион во Трета лига – Север, сега максимално се насочува кон баражот за можен влез во Втората македонска фудбалска лига.
Со цел максимално да се подготви за предизвиците што следат, тренерскиот тим на Шкендија Арачиново, предводен од Еркан Мурсели, го доби и новиот помошник тренер Шабан Сулимани. Тој има УЕФА А лиценца и значително искуство како дел од стручниот штаб на прволигашот Гостивар, ќе ги искористи своите способности за да ја подигне ефикасноста на тимот, како за пролетниот дел од сезоната во Трета лига, така и за очекуваната битка за пласман во Втора лига.
Засилувањата во стручниот штаб се одговор на сериозните амбиции на клубот, кој е решен да ја исполни целта за брзо и стабилно напредување во Втора лига.
