Ракометниот клуб Куманово продолжува со активностите на трансфер пазарот, потпишувајќи два нови играчи – Стефан Лазаревски и Григор Трајковски, кои ќе ја засилат екипата за претстојниот дел од сезоната.
Стефан Лазаревски е млад и перспективен играч кој претходно настапуваше во младинските категории на клубови како Драчево, РК Будимир, Аеродром, РК Вардар и РК Голден Арт. Неговите добри настапи на теренот и високо ниво на игра го прават значајно засилување за Куманово. Лазаревски е висок 183 сантиметри и тежи 100 килограми.
Григор Трајковски се враќа во Куманово, клубот каде ја започна својата кариера. Трајковски има искуство со настапи во клубови како Алкалоид и Мулти Есенс, а сега се враќа како голман во својот матичен клуб. Висок е 193 сантиметри и тежи 80 килограми.
Куманово има големи амбиции за пролетниот дел од сезоната, каде целта е обезбедување ран опстанок и високи позиции во плеј-аутот. Со овие нови засилувања, клубот се надева на успешни резултати и напредок во пролетниот дел од ракометната Суперлига.
