Есенскиот шампион во Трета лига – Север, Шкендија Арачиново, претстави ново засилување за пролетниот дел од сезоната, каде тимот ќе треба да го потврди првото место и да го обезбеди баражот за влез во Втора лига.
Ертан Демири, 21-годишен фудбалер е новото засилување на Шкендија од Арачиново, а кое доаѓа од тимот на БВК Коњаре.
Тој потекнува од Шкупи, а од таму продолжи во тимот на БВК Коњаре, каде настапуваше од февруари 2023 година.
Претходно, како што веќе информираше Спортска Мрежа, Шкендија Арачиново се засили со Мргим Дани, Бесир Бафтијар и Фикрет Љиварека, а се раздели со Елмир Алији.
