Ракометниот суперлигаш Куманово го промовираше своето трето засилување и одново Бразилец по десниот бек Гиљерме Да Силва Фернандес и левиот бек Џанкарло Фепипе Хен.
Бразилецот Жоао Виктор Соарес Флорес е најновото засилување на МРК Куманово. Овој 21-годишен ракометар, кој настапува како пивот, е репрезентативец на Бразил до 21 година и веќе зад себе има завидна кариера во својата татковина.
Флорес ја започнал својата кариера во тимот на Итаја, каде што успеал да стигне до вицешампионската титула на Бразил. Потоа преминал во редовите на Национал, а последно настапувал за тимот на Праја, со кој ја освои титулата шампион на Бразил.
Висок 187 сантиметри и тежок 98 килограми, Флорес важи за силен и цврст играч на позицијата пивот. Неговото искуство и енергија ќе бидат значајно засилување за тимот на Куманово, кој се подготвува за предизвиците во тековната сезона.
